٭ پندرہ شعبان کی رات دعا رد نہیں ہوتی

پندرہ شعبان کی رات دعا رد نہیں ہوتی

سیدنا ابو امامہ الباہلی رضی اللہ عنہ کہتے ہیں کہ رسول اللہ ﷺ نے فرمایا:

 خَمْسُ لَيَالٍ لا تُرَدُّ فِيهِنَّ الدَّعْوَةُ : أَوَلُ لَيْلَةٍ مِنْ رَجَبٍ ، وَلَيْلَةُ النِّصْفِ مِنْ شَعْبَانَ ، وَلَيْلَةُ الْجُمُعَةِ ، وَلَيْلَةُ الْفِطْرِ ، وَلَيْلَةُ النَّحْرِ .
” پانچ راتیں ایسی ہیں کہ جس میں دعا رد نہیں کی جاتی؛  ۱: رجب کی پہلی رات، ۲: پندرہ شعبان، ۳: جمعرات اور جمعہ کی درمیانی رات ، ۴: عید الفطر کی رات، ۵: عید الاضحیٰ کی رات۔۔“

(تاریخ دمشق لابن عساکر: ج۱۰ص ۴۰۸))

موضوع (من گھڑت): یہ روایت  من گھڑت ہے، کیونکہ؛

۱: اس کا راوی  ابو سعید بندار بن عمر الرویاني "کذاب " ہے، جیسا کہ؛

٭تاریخ دمشق میں ابن عساکر نے یہ قول نقل کیا ہے: " لا تسمع منه ، فإنه كذاب." (یعنی عبد العزیز النخشبی کہتے ہیں کہ) بندار سے روایت نہ سنو یہ جھوٹا ہے۔

۲:اس کا راوی ابراہیم بن ابی یحییٰ اگر "الاسلمی" ہے تو جمہور کے نزدیک "ضعیف و متروک" ہے۔

۳: اس روایت کا راوی ابو قعنب بھی مجہول ہے۔

۴: نیز ابو قعنب کا سیدنا ابو امامہ رضی اللہ عنہ سے سماع بھی مطلوب ہے۔

۵: اس روایت میں اور بھی علت ہے۔