٭ قادیانیوں کی مردود روایات

نبی ﷺ سے پہلے  اور بعد والےنبی

امام ابوبکر بن ابی شیبہ نے فرمایا:

حدثنا أبو أسامة عن مجالد قال: أخبرنا عامر قال :

”قال رجل عند المغیرة بن شعبة: صلی اللہ علی محمد خاتم الأنبیاء لا نبي بعدہ، قال المغیرہ:
 حسبک إذا قلت خاتم الأنبیاء فإنا کنا نحدث أن عیسی خارج فإن ھو خرج فقد کان قبله وبعدہ“
” عامر (الشعبی رحمہ اللہ) سے روایت ہے کہ مغیرہ بن شعبہ (رضی اللہ عنہ) کے پاس ایک آدمی نے کہا: محمد خاتم الانبیاء (ﷺ) پر درود ہو، آپ کے بعد کوئی نبی نہیں۔ مغیرہ نے کہا: جب تو نے خاتم الانبیاء کہہ دیا تو تیرے لئے یہی کافی ہے کیونکہ ہمیں بتایا جاتا تھا کہ عیسیٰ () خروج فرمائیں گے، پس جب وہ خروج فرمائیں گے تو وہ آپ سے پہلے کے نبی ہیں اور بعد والے نبی بھی ہیں۔ “

(مصنف ابن ابی شیبہ: ۱۱۰/۹ح۲۶۶۴۵)

ضعیف: اس روایت کا راوی مجالد بن سعید الہمدانی جمہور محدثین کے نزدیک ضعیف تھا۔

 ٭حافظ ہیثمی رحمہ اللہ فرماتے ہیں: "مجالد بن سعید جمہور کے نزدیک ضعیف ہے۔" (مجمع الزوائد: ۴۱۶/۹)

٭ حافظ عراقی رحمہ اللہ فرماتے ہیں: "اسے جمہور نے ضعیف قرار دیا ہے۔" (فیض القدیر للمناوی: ۱۳/۶، ح : ۸۲۴۷)

اس ضعیف ومردو روایت سے بھی قادیانیوں کا رد ہوتا ہے کیونکہ اس میں بنی اسرائیل والے سیدنا عیسیٰ بن مریم  کی صراحت کے ساتھ  دوبارہ خروج کا تذکرہ ہے۔

********