٭ قادیانیوں کی مردود روایات

سیدنا ابوبکرؓ سب سے افضل ہیں  اگر امت میں کوئی نبی نہ ہو

 

آنحضرت صلی اللہ علیہ وسلم نے فرمایا:

” ابو بکر افضل ھذہ الامة الا ان یکون نبی“ (کنوز الحقائق فی حدیث خیر الخلائق ص۴)
” کہ ابو بکر اس اُمت میں سب سے افضل ہے سوائے اس کے کہ امت میں سے  کوئی نبی ہو۔ یعنی اگر نبی ہو تو ابوبکرؓ اس سے افضل نہیں لہٰذا امکانِ نبوت فی خیرالامت ثابت ہے۔ (نیز دیکھو جامع الصغیر للسیوطی مصری حاشیہ ص۶)۔ “

(قادیانی پاکٹ بک ص۲۷۲)

موضوع (من گھڑت):  کنوزالحقائق میں یہ روایت بحوالہ فر (الفردوس للدیلمی) مذکور ہے، لیکن یہ روایت الفردوس للدیلمی (مطبوع) میں "إلا أن یکون نبي" کے اضافے کے ساتھ نہیں ملی بلکہ صرف "وأبوبکر أفضل ھذہ الأمة" تک موجود ہے۔ (دیکھئے ج۱ص۴۳۷ح۱۷۷۹)

اور دیلمی والی روایت بھی بے سند ہونے کی وجہ سے مردود ہے، لہٰذا ثابت ہواکہ قادیانی کی پیش کردہ یہ روایت بھی بے سند یعنی موضوع ہے۔

تنبیہ: اس روایت کی اور بھی سندیں ہیں جو سب کی سب ضعیف ومردود ہیں۔

********